قالوا ترابط ؟ قلت في حب خلي

قالوا ترابط ؟ قلت في حب خلي
قالوا المقابل ؟ قلت شاري وصالي
قالوا تحبه ؟ قلت بجنون احبه
كتبت فيه ابيات من عشرة اعوام
قالوا لي غاوي !! قلت في عشقته موت
غاوي وناوي القرب من جد ياناس
قالوا اوصفه يالقيد كان إنت هاوي
سطر ومعاني تزخر بحب غاليك
قلت الشْمِس تشرق من الشرق للغرب
والبدر في نص الشهر يضوي الأرض
والورد في غصنه حلا كل الاغصان
محلاه بين الزرع في وسط بستان
والعمر يجري فرح واحزان تغتال
في بعض من عمر الزمن ليل وانهار
والروح في شط البَحَر تحرك احراك
نص البحر هايج وله موج واخطار
والقلب جاري في نهر عذب وازلال
يروي عطش ضامي بعد بُعد الاسفار
والغيم يرعد بالسما برق وامطار
يروي عطش هالارض بعد المحال
هوالشيب يغزي الراس في طول الاعمار
وقار في وجه البشوش بسجاياه
قالوا تهذري والفكر جانب الدار
قلت الصراحه كلي ابدونه اجنان
قالوا كفاك الوقت داير ودوار
حبك كذب والعشق ماهوب لك دار
كل يوم تعشق بنت وتضيّع اسماء
مرات اماني ومرتن تزهم الشوق
مره امل مره سويره مع الطيف
قلت الاسامي وصف والرسم عنوان
والاسم دنيا اقصد ملاك أو اميره
والقصد ( مدري ) بس بحوفي مقيمه
قصدي بهمس الليل طيب الاماني
نفحه ورى نفحه اسكنت داخل الروح
قالوا علامك قلت بي قمة اجنان
والصدق راح الوقت منكم على نار
انا احكي بمعنى مع طيب الانفاس
واسرد خيال الحرف مع نشوة الروح
ولا جيت ابوصف زين خلي جرحني
حرف العِشق في وصف غالي هويته